Traballar menos para traballar mellor. Pola redución da xornada sen redución do salario

CCOO e UGT convocamos mobilizacións este 26 de setembro en A Coruña, Lugo, Ourense, Vigo e Pontevedra para forzar a patronal a «presentar dunha vez» propostas para a redución da xornada laboral. Defendemos unha xornada máxima legal de 38,5 horas en 2024 e de 37,5 en 2025.

É o momento de ir cara a unha redución do tempo de traballo por lei: as empresas contan con marxes que non pararon de crecer mentres que os soldos non o fan ao mesmo ritmo. Ademais, é unha boa forma de inducir unha produtividade a longo prazo.

Galicia e España deben decidir que camiño elixen para que as empresas sexan rendibles e ha pasar por bos salarios e xornadas laborais máis reducidas, ao tempo que se inviste en formación, en tecnoloxía e dixitalización.

CCOO, que nos mobilizaremos xunto a UGT, queremos lembrar que hai máis de corenta anos que se instaurou a xornada laboral máxima de 40 horas semanais, polo que «xa vai sendo hora» de reducila.

____________________

O xoves, 26 de setembro, concentrarémonos diante das sedes provinciais das patronais na Coruña, Lugo, Ourense e Vigo. Non faltes!!

 A Coruña. Ás 11.30 h na praza de Luís Seoane, n.º 1.

 Lugo. Ás 11.30 h na praza de Santo Domingo, n.º 6.

 Ourense. Ás 12 h na praza das Damas, n.º 1.

 Vigo. Ás 11.30 h na rúa de García Barbón, n.º 104.

• Calendario Laboral 2025. Publicado en el BOE

• Modelo de carta de Baja Voluntaria en la empresa

• Alcanzado Preacuerdo para la firma del del XIX Convenio TIC

• CCOO salva el Convenio de Colectividades

• Convenio Colectivo Comercio en General de Sevilla

• Convenio Colectivo Estatal de Acción e Intervención Social