A sección sindical de CCOO leva denunciando desde o principio da pandemia unha inadecuada política de prevención de riscos laborais, que pon en claro risco a saúde dos traballadores e traballadoras (falta de ventilación adecuada, sistemas de climatización estragados que no se arranxaron ata que se denunciou á inspección, etc.)
A Sección Sindical de CCOO quere mostrar publicamente o seu rexeitamento á degradación continua das condicións de traballo impostas por BOSCH en Vigo. O último e claro exemplo é a imposición das vacacións a case 800 persoas de forma unilateral, saltando o acordo alcanzado recentemente co comité de empresa ante o Consello Galego de Relacións Laborais.
Desde o sindicato anuncian a interposición das medidas legais oportunas así como a valoración de convocatoria de mobilizacións nas vindeiras semanas.