Archivado en Comunicados, Legal, Mujeres e Igualdad, Muller
Avanzando na igualdade das persoas LGTBI no traballo
Este 26 de xuño, CCOO asinou o acordo contra a discriminación das persoas LGTBI+ no ámbito laboral. As empresas con máis de 50 persoas asalariadas estarán obrigadas a aplicar medidas e protocolos contra a violencia e o acoso ás persoas LGTBI+.
No ano 2011, o Consello de Dereitos Humanos da ONU aprobou a primeira resolución en que se recoñecen os dereitos do colectivo LGTB e unha declaración formal de condena dos actos de violencia e discriminación en calquera lugar do mundo por razón da orientación sexual e identidade de xénero.
O Estatuto de Autonomía de Galicia, no seu artigo 4.2, e a Constitución española no seu artigo 9.2, sentan as bases para promover unha igualdade efectiva entre individuos, ao recoller a obriga que corresponde aos poderes públicos de «promover as condicións para que a liberdade e a igualdade do individuo e dos grupos en que se integra sexan reais e efectivas, eliminar os atrancos que impidan ou dificulten a súa plenitude e facilitar a participación de todos os galegos na vida política, económica, cultural e social».
A Lei 2/2014, do 14 de abril, pola igualdade de trato e a non discriminación de lesbianas, gais, transexuais, bisexuais e intersexuais en Galicia establece diversas medidas de promoción de igualdade de trato e non discriminación no ámbito laboral.
Co asinamento do acordo contra a discriminación das persoas LGTBI no ámbito laboral, desenvólvese o artigo 15 da Lei 4/2023, para a igualdade real e efectiva das persoas trans e para a garantía das persoas LGTBI. A futura norma, pioneira no noso país e no resto de Europa, é froito dun acordo tripartito no seo do Diálogo Social.
«A futura norma é moi importante porque reforza e fai valer os dereitos de todas as persoas tamén dentro das empresas, pois contribúe a que ninguén sinta medo, sufra acoso LGTBIfóbico en silencio ou renuncie a permisos ou dereitos por medo a visibilizarse», sinala Amelia Pérez, secretaria xeral de CCOO de Galicia. Ler máis
______________
Actualización
Manifestación 28 de Xuño.
Nin una persoa máis do colectivo LGTBI+ discriminada
Combatiremos as actitudes e os comportamentos de acoso. Ofreceremos orientación.
Educación para vivir! Organización para loitar!
Para Pérez, sen ningunha dúbida, «hoxe é un gran día para este país. Un país do que sentirían un orgullo inmenso Eduardo Blanco Amor, o seu amigo Federico García Lorca, Marcela Gracia Ibeas, Elisa Sánchez Loriga e tantas persoas anónimas que sofren acoso LGTBI+». A secretaria xeral engade: «Hoxe gañamos dereitos para as persoas LGTBI+, homes e mulleres que sufriron e sofren unha discriminación histórica, non só no ámbito privado, senón tamén no laboral».
CCOO é unha organización social lexitimada na mellora das condicións de traballo das persoas LGTBI+. O acordo tripartito asinado por CCOO serve de exemplo a quen, na nosa terra, critica os adiantos que se alcanzan no Estado. Convidamos a estas persoas a incorporarse ao diálogo e seguir traballando para acadar novos dereitos.
Como recorda Amelia Pérez, «o acordo contra a discriminación das persoas LGTBI+ no ámbito laboral pon de manifesto que, a pesar dos discursos rancios e retrógradas dalgúns, a maioría social está no século XXI e non no pasado. Hoxe por fin avanzamos no cumprimento total do artigo 14 da CE».
O acordo será obrigatorio para as empresas de máis de 50 persoas traballadoras e voluntaria para o resto, e as medidas incluiranse nos convenios colectivos. Estas abarcarán, polo menos, as seguintes materias: igualdade de trato e non discriminación; acceso ao emprego, clasificación e promoción profesional; formación, sensibilización e linguaxe, revisión dos permisos e beneficios sociais para que estes sexan inclusivos. Tamén se incluirán sancións no réxime disciplinario.
A futura norma recolle ademais a obriga de incluír, en todos os casos, un protocolo contra o acoso e a violencia no que se articulen mecanismos de actuación fronte a eles.
Segundo se establece, a constitución da mesa negociadora debe producirse dentro do prazo máximo dos tres meses seguintes á entrada en vigor do real decreto. Será nos convenios de empresa, cando existan, ou no supraempresarial (de non existir convenio de empresa) onde se adoptarán as medidas máis pertinentes, adaptadas á realidade de cada sector e empresa.
Canle para contactar ou presentar denuncias sobre discriminación por razón de orientación sexual e identidade de xénero, ao Observatorio LGBTIQ+: observatoriolgtbi@xunta.gal
Calendario Laboral 2025. Publicado en el BOE
Modelo de carta de Baja Voluntaria en la empresa
Victoria judicial en la Audiencia Nacional sobre el conflicto de horarios en Casa del Libro
Acuerdo en el ERE de H&M
La Sección Sindical de CCOO CaixaBank renueva la Secretaría General y la Comisión Ejecutiva
Reunión de la mesa negociadora del Convenio estatal de Restauración Colectiva