Archivado en
CCOO gaña en Teleperformance-A Coruña
A Federación de Servizos de CCOO gañou as eleccións sindicais en Teleperformance no seu centro de traballo da Coruña. Das 17 delegadas e delegados que se elixían, a candidatura de Comisións conseguiu sete, fonte a seis da UGT e catro da CIG.
O sindicato sobe de segunda a primeira forza na división coruñesa dunha das principais empresas do sector da telemercadotecnia do estado, pois hai catro anos conseguira cinco representantes no comité fronte a seis da CIG e outros tantos da UGT.
No ámbito estatal, CCOO continúa sendo o primeiro sindicato da empresa, de aí que a sección sindical desta organización lles agradeza aos traballadores e traballadoras a confianza depositada e se comprometa a seguir traballando «con responsabilidade e compromiso» para mellorar as condicións laborais.
Na Coruña, Teleperformance dá traballo a 680 persoas e presta servizos a empresas como Gas Natural Fenosa, R Cable, Iberdrola, Generali Seguros ou Purificación García.
