Archivado en Mujeres e Igualdad, Convocatorias, Muller
Galicia e CCOO, moi presentes na manifestación pola erradicación das violencias machistas
Centos de milleiros de persoas percorreron o pasado sábado as rúas de Madrid para denunciar a violencia machista e instar á adopción de medidas para erradicala. Nesta masiva marcha estiveron moi presentes Comisións Obreiras e Galicia. As diferentes estruturas do sindicato implicáronse activamente para que a manifestación fora un éxito.
A presenza do Sindicato Nacional de CCOO de Galicia visibilizouse,
fundamentalmente, tras a pancarta da Plataforma Feminista Galega, da que
Comisións Obreiras forma parte. A secretaria da Muller de CCOO, Mabel
Pérez, lembrou que no que vai de ano foron asasinadas máis de corenta
mulleres en toda España, «alarmante cifra que dá idea da gravidade do
problema».
A súa homóloga confederal, Ana Herranz, pediu que as
Administracións públicas se comprometan «con feitos, non con palabras», e
esixiu o reforzamento das ferramentas para combater a violencia
machista.
Pola súa parte, tanto o secretario xeral do Sindicato
Nacional de CCOO, Xosé Manuel Sánchez Aguión, como o secretario xeral
confederal, Ignacio Fernández Toxo, instaron as forzas políticas e
institucións a «tomaren boa nota» desta mobilización e «actuar xa».
