Archivado en Comunicados, Empleo, ERE, Condiciones de trabajo, Convocatorias, Union Comarcal Vigo, Comercio, Comercio Galicia, Accion sindical
H&M está levando a cabo un dobre proceso de forma simultánea para reducir e precarizar o emprego nas súas tendas.
H&M presenta as súas propostas, CCOO responde con mobilizacións e esixe a retirada da modificación das condicións de traballo
O día seis, na terceira na reunión negociadora do ERE, H&M realizou propostas insuficientes:
- Non afectación a maiores de 50 anos
- Adscrición voluntaria limitada
- Oferta de vacantes a tempo parcial
En materia de indemnización, non expoñen unha contía pero seguirán os parámetros doutros procesos que se produciron anteriormente na empresa.
CCOO analizará con detalle as vacantes que expuxo a empresa, pero nunha primeira revisión observamos que se ofrecen vacantes en tendas afectadas por despedimentos, cuestión que nos parece incoherente e que reafirma a nosa posición de que as causas alegadas pola empresa seguen sen justificar os despedimentos expostos, así como o número tan elevado de tendas que se van a pechar. Ler máis
CCOO, como sindicato maioritario en H&M, reiterou a súa negativa a admitir que H&M utilice estes procesos para precarizar as condicións laborais e pásese ao emprego “low cost” e que a transición dixital se faga á conta das persoas. Por iso, a súa posición vai ser frontal ante estas pretensións e actuará desde unha tripla estratexia: de negociación, de comunicación e de mobilización.
Por todo iso, CCOO e UGT planificaron unha escalada conxunta de mobilizacións en paralelo ao proceso de negociación, que finalizará o domingo 23 de maio, incluíndo concentracións, paros parciais e folgas de forma graduada.
CCOO insiste en que non existen causas que xustifiquen un número tan elevado de despedimentos.
O día sete, constituiuse a mesa negociadora da modificación substancial das condicións de traballo (MSCT) vía art. 41 ET para reducir as horas contratadas de 45 persoas en 24 tendas cuxo fin é afianzar a aposta polo emprego “low cost”
Para CCOO non existen causas que acrediten a apertura dunha MSCT, ademais tendo en conta que a empresa xa está inmersa na negociación dun ERE vía art. 51 ET que pretende acabar co posto de traballo de máis de 1.066 persoas alegando o peche de 30 tendas e redución do persoal noutras 94.
Por todo iso, a organización sindical esixiu a retirada do procedemento de modificación substancial de condicións de traballo xa que non existen causas suficientemente xustificadas para a viabilidade do mesmo.
CCOO quixo deixar claro que o seu obxectivo primordial é o mantemento e mellora do emprego en H&M e que non é viable un futuro para a empresa sen contar co seu persoal porque as persoas foron, son e serán o principal activo da compañía e mentres a dirección da empresa non entenda isto os seus plans de viabilidade reduciranse sempre ao mesmo: a precarización do emprego.
