Archivado en Legal, Jornada, Salario, Union Intercom. Ourense, Comercio, Comercio Galicia, Accion sindical
![demanda Carrefour Ourense](https://www.ccoo.gal/702d4d7aa558ffee24c6bb3c913664d9000055.jpg)
A empregada, con máis de 25 anos de antigüidade, tiña xornada a tempo parcial e solicitara ampliala para traballar a tempo completo
Carrefour Ourense deberá aumentarlle a xornada a unha traballadora e indemnizala polo lucro cesante
O Xulgado do Social núm. 1 de Ourense condena a Centros Comerciales Carrefour, S. A., de Ourense a lle aumentar a xornada laboral a unha traballadora e a indemnizala economicamente polo lucro cesante. A empregada, con máis de 25 anos de antigüidade, tiña xornada a tempo parcial e solicitara ampliala para traballar a tempo completo, ao considerar que se reunían os requisitos fixados no convenio colectivo. Ler máis
Segundo o artigo 9 do convenio, en caso de aumento do cadro de persoal ou vacante para cubrir, os traballadores ou traballadoras a tempo parcial «terán preferencia nas novas contratacións a tempo pleno», coa finalidade de poder ampliar a súa xornada ata o máximo permitido.
Isto é o que fixo a denunciante, asesorada por CCOO, pero a empresa negouse a atender a súa petición. Por esta razón, a sentenza afirma que Carrefour incumpriu o disposto no convenio. A resolución xudicial tamén coida probado que a empresa ten a recorrente necesidade de ampliar o cadro de persoal, algo que fixo con ducias de contratos a tempo parcial formalizados nos últimos anos.
Polo tanto, no caso levado a xuízo, «enténdese que concorren todos os requisitos» para que a denunciante poida ver ampliada a xornada laboral de 36 a 39 horas, «condenando a empresa demandada a estar e pasar por esta declaración», sinala a sentenza. Así mesmo, tamén obriga a que «lle aboe os salarios deixados de percibir como consecuencia do dito incremento desde o 14 de maio do 2020».
Loita contra a precariedade
Para a Federación de Servizos de CCOO, a Xustiza continúa a darlle a razón ao sindicato na súa loita contra a precariedade laboral, «que se ceba principalmente coas mulleres traballadoras», como pode comprobarse en empresas como Carrefour Ourense, onde máis do 80 % dos contratos a tempo parcial están cubertos por mulleres, ou onde a proporción de mulleres no equipo de mandos é do 16 %.
Modelo de carta de Baja Voluntaria en la empresa
Alcanzado PREACUERDO en Convenio Colectivo de Banca
¿En tu trabajo utilizas herramientas de diseño?, ¿Necesitas mejorar tus conocimientos?
Reunión Mesa Negociación convenio de Grandes Marcas del Textil y Calzado
CCOO y UGT se reúnen con el ministro de Industria y Turismo
SENTENCIA AUDIENCIA NACIONAL GASTOS DE LOCOMOCIÓN EUSKADI Y NAVARRA