Archivado en Comunicado breve, Negociacion Colectiva, Unión Comarcal A Coruña, Seguros e Mutuas, Accion sindical
As traballadoras e traballadores levan tres anos cos salarios conxelados, padecendo un "empobrecemento continuado" malia que as empresas baten as súas
Concentración para esixir o desbloqueo do convenio de servizos de prevención alleos
Comisións Obreiras (CCOO) e UGT convocaron hoxe venres unha concentración na Coruña para esixir o desbloqueo do convenio colectivo de servizos de prevención alleos. Os sindicatos reproban a actitude das empresas no que respecta a mellorar as condicións laborais duns traballadores e traballadoras que son “imprescindibles” no modelo de prevención de riscos do noso país. A protesta tivo lugar diante do centro sanitario do Ventorrillo, situado no n.º 30 da rúa Pasteur.
CCOO sinala que este convenio leva tres anos “bloquedo unilateralmente” por parte das patronais ASPREN, ASPA e ANEPA. Malia que o sector “bate as súas marcas de beneficios”, vinte mil profesionais en todo o Estado continúan coas súas condicións laborais conxeladas.
Para CCOO, isto é “especialmente grave no caso dos salarios”, porque a situación provoca un “empobrecemento sistemático e continuado” dos cadros de persoal. Neste contexto, as patronais ofrecen subas entre o 1,3 e o 1,5 %, malia que a inflación pechou o ano pasado no 6,5 % e continúa subindo mes a mes.
No ámbito estatal, CCOO e UGT xa lles remitiron cartas aos grupos parlamentarios e entrevistáronse coa Dirección Xeral de Traballo á procura de solucións. Agora comeza un calendario de mobilizacións “que se intensificará no outono” se persiste o bloqueo, avanzan os sindicatos.
Calendario Laboral 2025. Publicado en el BOE
Modelo de carta de Baja Voluntaria en la empresa
Victoria judicial en la Audiencia Nacional sobre el conflicto de horarios en Casa del Libro
Acuerdo en el ERE de H&M
La Sección Sindical de CCOO CaixaBank renueva la Secretaría General y la Comisión Ejecutiva
Reunión de la mesa negociadora del Convenio estatal de Restauración Colectiva